Таниқли мураббий, мутахассис Харри Реднапп Россия терма жамоасининг Европа футбол чемпионатидаги ўйинига баҳо берди. Эслатиб ўтамиз, Черчесов шогирдлари гуруҳ босқичини гуруҳдаги сўнгги ўринда якунлашди.

Инглиз мураббийи Еврода Россия жамоасидан энг яхши натижани кутишини аниқ айтди.

- Табиийки, мен Европа чемпионатида Россия терма жамоасидан жуда кўп нарсаларни кутгандим. Россия буюк спорт халқи. Ва сиз ҳар доим жамоангиздан ажойиб футбол кутасиз. Aммо, биласизми, ҳозирда Россия жамоаси унчалик яхши эмас. Футболчилар энди Aнглия Премьер-лигасида ўйнашмайди, энди юқори тоифадаги футболчилар йўқ.

Реднапп, шунингдек, Россия термаси ўтиш босқичини бошдан кечираётганини, ундан кейин ҳақиқий парвоз бошланиши мумкинлигини таъкидлади.

- Ва мураббийни айбламанг, унинг ҳеч қандай айби йўқ. Ҳозирги Россияни Гвардиола ёки Клопп бошқарган тақдирда ҳам натижа бир хил бўлади, — деди Реднапп.