Дортмунднинг «Боруссия» клуби форварди Эрлинг Ҳоланд «Реал» билан эҳтимолий трансфер борасида келишувга эришди. Бу ҳақда журналист Алфредо Педулла хабар бермоқда.
«Қаймоқранглилар» немис клуби билан якуний келишувга эришиш арафасида, бироқ футболчининг агентлари осонликча муросага келмоқчи эмаслар. «Асаларилар» ҳали ҳам 20 ёшли ҳужумчи учун 100 миллион евродан кўпроқ пул талаб қилишмоқда.
«Реал» учун муқобил вариант - «Интер» ҳужумчиси Лаутаро Мартинес. Аммо, «Бланкос» биринчи ўринда ёзда норвегияликни ўз таркибига қўшиб олишга ҳаракат қилиб кўради.
