Англия Премьер-лигасининг 24-тури доирасида ўтказилаётган «Арсенал»-«Блэкбёрн» ўйинида Роибин ван перси 2-дақиқадаёқ ҳисобни очди. Бу гол нидерландиялик ўйинчи учун Премьер-лига ўйинларидаги роппа-роса юзинчиси бўлди.

Боз устига, ван Перси «канонирлар» тарихида Премьер-лиганинг бир мавсумида 20 ва ундан ортиқ гол киритган тўртинчи ўйин бўлди. Унгача Тьерри Анри (5 марта), Иан Райт (2 марта) ва Эммануэль Адебайор (1 марта) шундай натижа қайд этишган.

Ван Перси голни ўйиннинг 82-сониясида киритди. У жорий мавсумдаги энг тезкор гол муаллифи ҳамдир: 16 октябрь куни «Сандерлэнд»га қарши ўйинда у 29-сонияда ҳисобни очган.

Робин ван Персининг ушбу голи «Арсенал» учун барча турнирларда урилган 121-голдир. Бу кўрсаткич бўйича 28 ёшли ҳолланд ҳужумчиси ўзининг афсонавий ҳамюрти Деннис Бергкамп («Арсенал» таркибида 120 гол) дан ўтди.

Шундай қилиб ван Перси «Арсенал» тарихидаги энг яхши тўпурарлар ўнлигига кирди. Бу рўйхатда биринчи айни вақтда ижара асосида яна жонажон клубида тўп сураётган Тьерри Анрига тегишли – 227 гол.