"Валенсия" ҳужумчиси Кевин Гаймеро Франция чемпионатига қайтиши мумкин, деб хабар беради RMC Sport.
Манбанинг хабар беришича, "Марсел" 34 ёшли французни сотиб олишга қизиқиш билдирмоқда.
Маълумот учун, 1-июлда Гамейронинг "кўршапалаклар" билан тузган шартномаси тугайди ва эркин агентга айланади. Шундан кейин, футболчи бошқа жамоага текинга ўтиши мумкин.
2020/21-мавсумда Гамейро барча турнирларда 27 учрашувда майдонга тушиб, 4 гол урган ва 1 голли узатмани амалга оширган.
Эслатиб ўтамиз, аввалроқ франциялик ҳужумчи Францияда "Страсбург", "Лорьен" ва "ПСЖ" жамоаларида ўйнаган.
