Британия матбуотинининг хабар беришича, МЮ хавбеки Жесси Лингард клуб билан уч йиллик шартнома имзолаши кўзда тутилган.
Ҳозирча Лингарднинг «Манчестер Юнайтед» билан бир мавсумлик шартномаси бор. «Вест Хем» футболчини сотиб олиш нияти борлигини билдирган. Яримҳимоячи ўтган мавсумнинг иккинчи ярмини Лондонда аъло даражада ўтказди ва МЮнинг ўзига бўлган ишончини қайтарди.
«Вест Хем» футболчини сотиб олиш борасида ҳали аниқ бир тўхтамга келганича йўқ. Лингарднинг ўзи «Манчестер Юнайтед»га қайтишга интилмоқда. У барчасини исботлашга тайёр.
«Қизил иблислар» Жессига ҳафтасига 130 минг фунт маош беришга тайёр.
