Marca нашрининг таъкидлашича, франциялик ҳужумчи Антуан Гризманн ёзги трансферлар вақтида жамоани тарк этиши мумкин. Клуб раҳбарияти 30 ёшли ҳужумчини сақлаб қолиш ҳақида ўйламаяпти.
"Барселона"да коронавирус пандемияси сабабли молиявий муаммолар мавжуд. Гризманни сотиш нафақат бюджетни тўлдиришга, балки "кўк-аноррранглилар" учун иш ҳақини туширишга ҳам ёрдам беради.
Хабар қилинишича, каталонияликлар Гризманни трансферга қўйиб бўлишган. Бироқ, унинг кетиши билан ҳамма нарса силлиқ кечиши мумкин эмас, чунки унинг трансфер нархи 120 миллион еврога баҳоланган. Шунинг учун, клуб қайсидир футболчи билан алмашиш таклифига ҳам рози. Аммо, ҳозирча футболчи учун жиддий таклиф келиб тушмаган.
2019 йилда "Барселона" билан шартнома имзолаган Гризманн якунланган Ла Лига чемпионптида 36 учрашув ўтказди, 13 гол урди (биттаси пенальтидан), етти голга узатма берди.
