Ла Лига президенти Хавьер Тебаснинг фикрича, «Реал» ва «Барселона» клублари Суперлига лойиҳасидаги иштироки учун жазога тортилиши шарт.

«Клублар УЕФА регламентини бузган экан, уларга санкциялар қўлланилиши шарт. Бу клублар испан жамоалари бўлса-да, уларга нисбатан айбловлар жиддий. 

«Реал»нинг кўпроқ Суперлига ҳақида ўйлаётгани мени ранжитмоқда. Бу еврокубок ва ички мусобақаларни издан чиқариши мумкин», - дейди Тебас.

Маълумот учун, «Реал», «Барселона» ва «Ювентус» клублари Суперлига лойиҳасини амалга ошириш фикридан қайтгани йўқ.