"Бенфика"нинг португалиялик ҳимоячиси Нуну Тавареш Лондоннинг "Арсенал" клуби билан шахсий шартнома шартларини келишиб олди. Бу ҳақда журналист Николо Скира ўзининг Твиттердаги саҳифасида хабар беради. Манбага кўра, футболчи билан шартнома муддати 2026-йилгача ҳисоблаб чиқилади.
"Канонирлар" ҳозирда "Бенфика" билан трансфер шартлари бўйича музокаралар олиб боришмоқда. Португалия чемпионатининг якунланган мавсумида 21 ёшли Тавареш 14 та учрашув ўтказди. Трансфермаркт портали футболчини 7 миллион еврога баҳоламоқда. Таварешнинг клуб билан шартномаси 2024-йил ёзигача амал қилади.
