Эртага «Реал» билан шартномаси тугайдиган ҳимоячи Серхио Рамос ПСЖ билан музокара олиб бормоқда.
"L’Équipe" хабарига кўра, испаниялик футболчи мавсум учун 13 миллион евро маош билан 2 йиллик шартнома тузмоқчи.
Парижликлар 35 ёшли футболчи билан бу муддатга шартнома имзолаш тўғри қарор эканлигига шубҳа қилмоқда. Клуб Рамосга 1 + 1 билан шартнома бериш ниятида.
Эслатиб ўтамиз, футболчи айнан шартнома муддати бўйича келишмовчиликлар туфайли «Реал» билан келиша олмаган эди. Мадридликлар у билан бир йилга ҳамкорликни давом эттиришга тайёр эди.
Маълумот ўрнида, ўтган мавсумда Рамос Ла Лигада 15та ўйин ўтказди ва 2та гол урди.
