Венгрия терма жамоаси бош мураббийи Марко Росси Криштиану Роналду, Клиан Мбаппе ва Мануэл Нойерларни трол қилди.

Хабарингиз бор, Португалия, Франция ва Германия терма жамоалари турнирнинг 1/8 финал босқичида ютказиб, Евро-2020ни кутилганидан эртароқ тарк этишди. Венгерлар ушбу жамоаларга қарши гуруҳ босқичида кураш олиб боришди ва жуда яхши таассурот қолдиришди.

- Тез орада соҳилда кўришгунча! - деб ёзади Марко ўз инстаграм саҳифасида ва пляжда чамадонлар билан турган футболчиларнинг ясама суратини келтиради.

Росси бу билан «ўлим» гуруҳидаги гигантларнинг плей оффнинг илк босқичидаёқ қоқилишини қаттиқ трол қилмоқчи бўлди.

Евро гуруҳ босқичида венгерлар сенсацион тарзда французлар ва немислардан очко тортиб олишди ва ҳатто плей-оффга чиқишга яқин келишган эди.