"Интер" ҳимоячиси Дальберт фаолиятини Россия Премьер-лигасида давом эттириши мумкин.
Хабарларга кўра Милан клуби ушбу ёзда бразилиялик футболчини сотмоқчи. Футболчи сўнгги икки мавсумни ижара асосида "Фиорентина" ва "Ренн"да ўтказди. Жорий йилги мавсумда эса футболчи "Интер"нинг режаларига киритилмаган.
Дальберт билан шартнома имзоламоқчи бўлган клуб - ЦСКА. Яқин вақт ичида "армиячилар" вакиллари 27 ёшли ҳимоячи билан музокаралар олиб боради. "Интер" ўз футболчисини сотишдан 6-7 миллион евро атрофидафойда кўрмоқчи.
Дальберт ўтган мавсумда 18та ўйин ўтказиб, битта голли узатма берган.
