"Лион" "Аякс" дарвозабони Андре Онанага қизиқиш билдирмоқда, деб хабар беради L'Equipe.
Манбанинг хабарига кўра, француз клуби футболчини ёзги трансферлар вақтида сотиб олмоқчи. "Лион"нинг янги бош мураббийи Питер Бош дарвозабонни сотиб олишни талаб қилмоқда. Онананинг "Аякс" билан шартномаси бир йилдан сўнг тугайди, шу сабабли клуб уни ёзда сотиб юбориши мумкин.
Аввалроқ камерунлик футболчига "Интер" ва "Арсенал" ҳам қизиқиш билдирган эди.
Айни пайтда 25 ёшли Онана допинг учун дисквалификация муддатини ўтамоқда. Онананинг футболдан четлатиш муддати 2021-йил 4-ноябрда тугайди. Ўтган мавсум у 26 ўйин ўтказди ва 22 гол ўтказиб юборди.
