Римнинг «Рома» клуби ва Туркия терма жамоаси ҳужумчиси Ченгиз Ундер «Марсел»га ўтишга яқин турибди, деб ёзади журналист Николо Скира ўзининг твиттер саҳифасида.

Манбага кўра, француз клуби 10 миллион еврога сотиб олиш шарти билан бир йиллик ижара шартномасини тузиб чиққан. Шунингдек, «Рома» футболчининг кейинги трансферидан 30 фоизини олиш ҳуқуқига эга.

Ўтган мавсумда 23 ёшли Ундер «Лестер» сафида ижарада ўйнаган эди. У инглиз клуби таркибида 19 учрашув ўтказиб, иккита гол урди ва учта голли пас берди.

Унинг «Рома» билан шартномаси 2023 йилнинг ёзигача амал қилади. Ундер Туркия терма жамоаси сафида 32 та ўйин ўтказган ва тўққизта гол урган.