«Спартак» бош директори Евгений Мележиков ярим ҳимоячи Остон Ўруновнинг келажаги ҳақида гапирди.
«Ўруновнинг ўйинида ўсиш бўлмаётганини ҳисобга олсак, олдимизда Остон ҳақида қарор қабул қилиш вазифаси турибди. Ижарага бериш ёки сотиш. Ўруновга "Уфа"дан бошқа клуб қизиқиш билдирмаётган эди. Биз улар билан Остоннинг трансфери борасида келишиб олдик, аммо кейинчалик уфаликлар шартномага қўшимчалар киритишга ҳаракат қилишди ва биш ушбу шартларга тайёр эмас эдик. Яъни, улар шартномада келтирилган суммани учга бўлиб тўлашни таклиф қилди. Ушбу маблағнинг биринчи қисми кейинги йилнинг феврал ойида бизнинг ҳисоб рақамга ўтказиб берилади.
Биз уларга бешга бўлиб тўлашни таклиф қилдик, лекин биринчиси шартнома имзолангандан сўнг дарҳол, иккинчиси эса декабрда тўлаб берилади. Улар эса бизнинг таклифни рад этишди», - деди Мележиков СЭ нашрига берган интервьюсида.
20 ёшли ўзбекистонлик футболчининг "Спартак" билан шартномаси 2025 йилгача мўлжалланган. Ўтган мавсумнининг иккинчи қисмини "Уфа" сафида ижарада ўтказган Остон 10 учрашув ўтказди ва 1 голли пасни амалга оширди.
