Италия матбуотининг ёзишича, «Наполи» футболчиси Лоренцо Инсинье Евродаги ажойиб ўйинидан сўнг клубини ўзгартириш эҳтимоли бор. Лоренцо ҳали ҳам раҳбарият билан янги шартнома борасида келиша олмаяпти.

Футболчи маошини сезиларли даражада яхшилашларини кутмоқда. Айни пайтда Неаполда унинг маоши йилига 4,3 миллион еврони ташкил қилади.

Англия ва Испаниядаги клублар эса унга бунданда кўпроқ тўлашга тайёр. Гап «Барселона» ва «Тоттенхем» ҳақида кетмоқда.

Маълумот учун, Инсинье клуби сафидаги сўнгги мавсумида 19 та гол уриб, 11 та голли пасни амалга оширди.