Аргентина ҳукумати мамлакат чемпионати номини Буюк Британия билан юзага келган "Фолькленд уруши"га 30 йил тўлиши муносабати билан ўзгартиришга қарор қилди. Бу ҳақда "Чемпионат. com" интернет нашри хабар тарқатмоқда.
Расман жума кундан эътиборан бошланадиган мамлакат биринчилиги энди ўша урушда қатнашган крейсер (ҳарбий кема) номига "Генерал Бельграно" деб номланадиган бўлди. Айнан ўша крейсер Британия торпедоси томонидан портлатиб юборилган, Крейсер бортида бўлган 323 киши ҳалок бўлганди. Умуман 2 апрель куни 30 йил тўладиган ўша низолар натижасида Аргентина 649 фуқаросидан айрилганди. Фолькленд ороллари эса Британия мулки сифатида қолган.
Қайд этиб ўтиш жоиз, Аргентина чемпионатига бағишлаб чиқарилган видеороликда Фолькленд ороллари Аргентина географияси сифатида кўрсатиб ўтиладиган бўлди. Гарчи у Британия мулки бўлса ҳам.