«Лацио» бош мураббийи Маурицио Сарри Андреа Пирлонинг «Ювентус» бош мураббийи сифатида олиб борган ишлари тўғрисида ўз фикрлари билан ўртоқлашди. Эслатиб ўтамиз, Пирло «Ювентус»ни Саррининг ўрнига қабул қилиб олган эди.
«Бу жараёнга Гвардиоланинг таъсири бўлганлигига, юз фоиз ишонаман. Бироқ Туринда Пирлога нисбатан анча совуқ муносабатда бўлдилар. Бундай қарорлар бир неча йил ичида юксак маҳоратли мураббийга айланиши кутилган одамлар учун касб йўлини тўсиб қўйиши мумкин.
Сиз менга эмас, «Ювентус» раҳбарларига саволларингизни беришингиз керак», - дейди Сарри.
Эслатиб ўтамиз, Пирло «Юве»да бир мавсум ишлагандан сўнг жамоа А Серияда тўртинчи ўринни эгаллади.
