Кеча ва буган Саудия Арабистонининг Зайн-Премьер-лигасида 19-тур учрашувлари ўтказилмоқда.

Кеча бўлиб ўтган «Ал-Ҳилол»-«Ал-Қодисия» учрашувида риёзликлар 3:0 ҳисобида йирик ғалаба қозонган бўлсалар, «Ал-Иттифоқ» ҳам «Ан-Наср» дарвоасиза 2 та жавобсиз тўп йўллаган эди.

Терма жамоамиз сардори Жепаров тўп сураётган Риёзнинг «Аш-Шабоб» клуби ўз майдонида «Нажрон СК»ни қабул қилди ва ўта йирик ғалаба қозонди. Киритилган голларнинг иккинчисига айнан Сервер муаллифлик қилгани жуда қувонарли ҳолдир. У 15-дақиқадаёқ ҳисобнинг меҳмонлар учун таассуфли кўринишига келишига сабабчи бўлди.

Турнир карвонбошиси — Жидданинг «Ал-Аҳлий» клуби эса ўз майдонида «Ал-Фотиҳ» устидан3:0 ҳисобида ғалаба қозона туриб, сўнгги 12 дақиқа иичда ўз дарвозасидан 3 та тўп олиб чиқиш баробарида «Аш-Шабоб»ни ҳам жадвалда олдинга ўтказиб юборди. Айни вақтда Жепаров тўп сураётган «Аш-Шабоб»да 47 очко, жиддаликларда 46 очко мавжуд. Учинчи ўриндаги «Ал-Ҳилол» 19 ўйинда 43 очко жамғарган.

«Зайн» Саудия Премьер-лигаси. 19-тур

АЛ-ҲИЛОЛ – АЛ-ҚОДИСИЯ 3:0 (2:0)
Голлар: Ю Бюнг-Су (7, 36), Кристиан Вилҳелмссон (90-пен.)

АЛ-ИТТИФОҚ – АН-НАСР 2:0 (2:0)
Голлар: Ҳамад ал-Ҳамад (8, 24-пен.)

АЛ-АҲЛИЙ – АЛ-ФОТИҲ 3:3 (1:0)
Голлар: Амад ал-Ҳусний (18), Тайсир ал-Жассам (52), Марсело Камачо (60) – Ҳамдан ал-Ҳамдан (81), Элтон (85-пен., 90+3)

АШ-ШАБОБ – НАЖРОН СК 4:0 (3:0)
Голлар: Мухтор Фаллата (6), Сервер Жепаров (15), Вендел (45, 58)

АР-РОИД – АЛ-ИТТИҲОД 2:0 (2:0)
Голлар: Абду Ҳакамий (24), Ҳамад ал-Сақур (28)

Ал-ФАЙСАЛИЙ – ҲАЖР СК 2:2 (0:1)
Голлар: Амир Дийб (47), Бадр ал-Хараший (68) – Леандро да Сильва (9), Холид Ражаб (51)

19-турнинг сўнгги учрашуви 9 февралда «Ал-Ансор»-«Ат-Таъун» клублари ўртасида бўлиб ўтади.