Биласиз, сўнги пайтларда «Андижон» жамоамиз таркибини ўзгараётганлиги бўйича турли миш-мишлар ижтимоий тармоқларда чоп этилмоқда. Ушбу вазиятга ойдинлик киритиш мақсадида жамоамизнинг вице-президенти Жаҳонгир Муталлибжоновичнинг фикрларига қизиқдик.

"Дарҳақиқат иккинчи даврада жамоамизни кучайтиришни мақсад қилганмиз. Бу масала бўйича спорт директоримиз, мураббий билан бирга ишлаяпмиз. Трансфер ойнасида жамоамизга бир қатор футболчилар келиб қўшилади, худо хоҳласа. Музокара олиб борилаётган футболчилар қаторида тажрибалилари кўп, шунингдек, бир неча ёшлар хам бор. Ҳозирча футболчилар номини ошкор этмаётганимиз сабаби, ҳали бирортаси билан тўлиқ келишувга эришилмаган. Тез кунда музокаралар тўлиқ якунига етиб, якуний келишувга эришилгач. Барча келадиган ўйинчиларни расмий саҳифаларимиз орқали эълон қиламиз.

Жамоамиз футболчиларига келсак, ҳозирча раҳбарият ҳеч қайси футболчи билан шартномани бекор қилгани йўқ. Жамоамизни тарк этадиган футболчилар ҳамда тарк этган футболчи бўлса бу ҳақда хам расмий саҳифаларимиз орқали эълон қиламиз. Ҳозирда жамоамиз қисқа муддатли таътилда" - деди Жаҳонгир Муталлибжонович.

«Андижон» матбуот хизмати.