Bilasiz, so‘ngi paytlarda «Andijon» jamoamiz tarkibini o‘zgarayotganligi bo‘yicha turli mish-mishlar ijtimoiy tarmoqlarda chop etilmoqda. Ushbu vaziyatga oydinlik kiritish maqsadida jamoamizning vise-prezidenti Jahongir Mutallibjonovichning fikrlariga qiziqdik.

"Darhaqiqat ikkinchi davrada jamoamizni kuchaytirishni maqsad qilganmiz. Bu masala bo‘yicha sport direktorimiz, murabbiy bilan birga ishlayapmiz. Transfer oynasida jamoamizga bir qator futbolchilar kelib qo‘shiladi, xudo xohlasa. Muzokara olib borilayotgan futbolchilar qatorida tajribalilari ko‘p, shuningdek, bir necha yoshlar xam bor. Hozircha futbolchilar nomini oshkor etmayotganimiz sababi, hali birortasi bilan to‘liq kelishuvga erishilmagan. Tez kunda muzokaralar to‘liq yakuniga yetib, yakuniy kelishuvga erishilgach. Barcha keladigan o‘yinchilarni rasmiy sahifalarimiz orqali e’lon qilamiz.

Jamoamiz futbolchilariga kelsak, hozircha rahbariyat hech qaysi futbolchi bilan shartnomani bekor qilgani yo‘q. Jamoamizni tark etadigan futbolchilar hamda tark etgan futbolchi bo‘lsa bu haqda xam rasmiy sahifalarimiz orqali e’lon qilamiz. Hozirda jamoamiz qisqa muddatli ta’tilda" - dedi Jahongir Mutallibjonovich.

«Andijon» matbuot xizmati.