Россия терма жамоасининг собиқ дарвозабони Вячеслав Малафеев Йоахим Лёвни терма жамоани бошқариши мумкинлиги ҳақида ўз фикрлари билан ўртоқлашди.

"Лёв бизнинг терма жамоамиз учун мос вариант эмас. Агар биз чет эллик мутахассисларнинг номзодларини кўриб чиқаётган бўлсак, демак, менинг тушунчамда мураббий Россия футболи билан таниш бўлиши, футболчиларимизнинг менталитетини тушуниши керак. Идеал ҳолда, у посцовет ҳудудидаги ишларни амалда яхши билиши керак. Ва, албатта, у замонавий футбол бўйича тактик ва стратегик билимларга эга бўлиши керак. Натижа иложи борича тезроқ кўрсатилиши керак. Агар илгари бизнинг футбол билан таниш бўлмаган чет эллик мутахассис келса, у Россия терма жамоасини бўлажак ўйинларга тайёрлашга вақт тополмаслиги мумкин. Шунда 2022-йилги Жаҳон чемпионатидаги иштирок катта хавф остида қолади. Мен Виллаш-Боаш, Спалетти, эҳтимол ҳатто Эмерининг номзодларини кўриб чиқардим - улар Россия футболини билиш жиҳатидан бизнинг миллий жамоамизга ўша Лёвга қараганда кўпроқ мос келади", - дейди Малафеев.