Дания бош мураббийи Каспер Юлманд Англия билан муваффақиятсиз ўйиндан сўнг интервью берди. Данияликлар 1:2 ҳисобида ютқазиб, Европа чемпионати финалига чиқа олмадилар. Дания таркибида ягона голни Миккель Дамсгор урди.
“Йигитлар ажойиб ўйин кўрсатишди. Рақиб чиндан ҳам кучли жамоа. Ушбу Еврода биз ҳужумкор ўйин қилдик, кўплаб голлар урдик, услубимизга содиқ қолдик. Англия билан ўйинда биз қўлимиздан келган барча ишни қилдик, майдонда бор кучимизни бериб ўйнадик. Бироқ маълум ҳолатлар Даниянинг яна бир қадам ташлашига тўсқинлик қилди ", - дея УЕФА расмий сайти мураббийнинг сўзларини келтиради.
