"Барселона" собиқ футболчиси Сеск Фабрегас айни дамда эркин агент бўлган Лионель Мессини "Барселона"да ўйнашда давом этишига ишонаётганини айтиб ўтди.
"Месси хоҳлаганча ҳар қандай таркибда муҳим ўйинчи бўлиши мумкин. У барча керакли фазилатларга эга, у ўзини ва соғлиғини асраб-авайлайди. Менимча Лео камида яна бир неча йилни "Барса"да ўтказади. Мен уни "Барселона"да қолишига ишонаман. Бу унинг уйи, унинг қисми. Бу ерда у 12 ёшидан бери ўйнайди", - дейди Фабрегас.
Эслатиб ўтамиз, Месси 30-июн куни эркин агентга айланган. Ҳозирча "Барселона" ҳужумчи билан янги шартнома борасида келиша олмаяпти.
