«Барселона» бош мураббийи Роналд Куман Лионель Мессининг клубдаги кейинги тақдири ҳақида гапирди.

«Месси билан шартнома масаласи ҳали ҳал бўлмагани боис, ташвишланишга тўғри келяпти. Аммо бу муаммони Лапорта ҳал қилишига ишончим комил. Чунки Мессининг жамоада қолиши нафақат клуб учун, балки Ла Лига учун ҳам жуда муҳим. Жаҳоннинг энг яхши ўйинчиси қўл остимизда бўлишини истаймиз. У клубда қолиши учун барча ишни қилишимиз шарт.

Лапорта менга бу масалада ташвишланмаслигимни айтди. Биз Лео билан яна узоқ йиллик келишувга эриша олишимизга ишонаман. Унинг ўзи ҳам ҳар доим «Барса»да қолишни истаётганини билдирган. Месси учун фаолиятини бошқа клубда якунлаш тўғри иш бўлади, деб ўйламайман», - дейди Куман.

Аввалроқ, футболчи ва клуб ўртасида музокара давом этаётгани ҳақида хабар берилганди.