Италия терма жамоаси ва «Ювентус» клуби футболчиси Леонардо Бонуччи терма жамоаси ҳақида гапирди.
Футболчи аввалги ва ҳозирги жамоани таққослади ҳамда финалгача босиб ўтилган йўлда кимлар ҳисса қўшганини айтди.
«Италия уч йил аввал Европа чемпионати финалига чиқишини тасаввур ҳам қилолмасди, аммо йиллар давомида орттирилган тажриба бизга ёрдам берди. Ярим ҳимоямизда кўплаб иқтидорлар борлиги турнир давомида босиб ўтган йўлимизни анча осонлаштирди , — деди ҳимоячи.