Журналист Фабрицио Романо ўзининг твиттери саҳифасида ёзишича, Брюсселнинг «Андерлехт» клуби ярим ҳимоячиси Альберт-Мбойо Локонга яқин орада Лондоннинг «Арсенал» клубига кўчиб ўтади.
Манбага хабарига кўра, томонлар аллақачон шартномани шартларини келишиб олишган. Инглиз клуби ярим ҳимоячи учун 17,5 миллион евро тўлайди. Футболчи «канонирлар» билан 2026 йилнинг ёзига қадар шартнома имзолайди.
21 ёшли Локонга «Андерлехт» клуби тарбияланувчиси ҳисобланади. Ўтган мавсумда у барча мусобақаларда 37 ўйин ўтказиб, учта гол урди ва учта голли пас беришни уддалаган.
