Туриннинг «Ювентус» клуби Европа чемпионати финал учрашувидан сўнг ҳимоячи Жоржо Кьеллини билан янги шартнома имзолайди. Бу ҳақда футбол инсайдери Фабрицио Романо хабар берди.
Италиялик 36 ёшли марказий ҳимоячи 1 июлдан бери эркин агент ҳисобланади. Унинг туринликлар билан амалдаги шартнома муддати ниҳоясига етган. Томонлар шартнома бўйича келишувга эришган. Янги шартнома Жоржо Кьеллини иштирок этадиган Италия–Aнглия ўртасидаги Европа чемпионати финалидан сўнг имзоланади.
Маълумот ўрнида, Кьелини 2005/06 йилги мавсумдна бери «кекса сеньоралар» таркибида фаолият юритиб келади.
