Футбол бўйича Англия терма жамоаси сардори Ҳарри Кейн Италияга қарши бўлиб ўтадиган Евро-2020 финали ҳақида фикр билдирди. Бу ҳақда УЕФА расмий сайти хабар қилди.
Ҳужумчи жамоадагиларнинг ўзига бўлган ишончи юқори эканини таъкидлади.
«Россиядаги 2018 йилги Жаҳон чемпионати бизга яхшигина дарс бўлган. Ўйлайманки, биз бу дарсни яхши ўзлаштирганмиз. Ўзимизга бўлган ишончни ҳис қиляпмиз. Бизда бундай ўйинлар учун етарлича маҳорат бор», — деди Кейн.
Эслатиб ўтамиз, Италия ва Aнглия ўртасидаги Европа чемпионатининг финал ўйини 11 июль куни Тошкент вақти билан соат 23:59 да бошланади. Учрашув «UzReportTV» телеканали орқали трансляция қилинади.
