«Пари Сен-Жермен» ҳимоячиси Серхио Рамос Мадрид клубига қарши майдонга тушса, «Реал»га урилган голни нишонламаслигини айтди.

«Мен Мадридда ажойиб вақт ўтказдим. Ўз уйимни тарк этганимдан афсусландим. Аммо, «ПСЖ»га ўтишга қарор қилдим. Бу ажойиб лойиҳага эга жамоа. Мен янги вазифаларни забт этишни ва ғалаба қозонишни яхши кўраман. «Реал»даги каби ўйнайман деган умиддаман. Мен мукаммал жамоага ўтдим, аммо «Реал» юрагимда абадий қолади.

Бу менинг оилам. Шундай экан, мен ҳеч қачон «Реал Мадрид»га урилган гол ёки улар устидан қозонилган ғалабани нишонламайман», - дея Рамоснинг сўзларини келтиради «AS» нашри.

Эслатиб ўтамиз, 35 ёшли Рамос шартнома муддати тугагандан сўнг «Реал»ни тарк этди ва кейин «ПСЖ»га эркин агент сифатида ўтди.