«Тоттенхэм» клуби ёзги трансфер ойнаси якунига қадар ўз сафини «Саутгемптон» форварди Дэнни Ингс билан кучайтирмоқчи, дея хабар бермоқда «The Telegraph» нашри.
Манба хабарига кўра, Лондон клуби 28 ёшли англиялик форвардни трансфер ойнасидаги асосий мақсади сифатида кўрмоқда. Клуб янги бош мураббийи Нуну Эшпириту Санту янги мавсумда икки ҳужумчи билан тўп сурмоқчи ва Кейнга тандем сифатида Ингзни таклиф этмоқчи.
Маълумот учун, бунгача «Бёрнли», «Борнмут» ва «Ливерпуль» клуби сафида тўп сурган Дэнни 2018 йилда «авлиёлар» сафига ўтиб, ўтган мавсумда АПЛ 29 ўйинида 12та голга муаллифлик қилган.
