Польша терма жамоаси ва «Бавария» ҳужумчиси Роберт Левандовски фаолиятини АПЛда давом эттириши мумкин.

Манбага кўра, «Манчестер Сити» 32 ёшли футболчи атрофидаги вазиятнинг ривожланишини диққат билан кузатмоқда. Англия клуби «Тоттенхэм» ҳужумчиси Ҳарри Кейнни сотиб ололмаса, Левандовски билан шартнома имзолаши мумкин.

Левандовскининг «Бавария» билан шартноманинг 2023 йил ёзида тугашини ҳисобга олсак, «Сити» польшалик учун Кейнга қараганда кам харажат қилиши мумкин.

Аввалроқ, ОАВда «Реал» Левандовскига қизиқиш билдираётгани ҳақида хабарлар тарқалганди.

Ўтган мавсумда польшалик ҳужумчи барча мусобақалардаги 40 учрашувда 48 та гол урди ва 9 та голли пасни амалга оширди.