"Рубин" ва "Ростов" жамоаларининг собиқ бош мураббийи Қурбон Бердиев Россия терма
жамоасини бошқариши мумкин.
РФФ Станислав Черчесов истеъфога чиққандан кейин бўш қолган лавозимга 68 ёшли
мутахассиснинг номзодини кўриб чиқмоқда, деб хабар беради Спорт-Эхпресс.
Манбага кўра, Бердиев билан шартнома 2022-йилги Жаҳон чемпионати якунига қадар
имзоланиши режалаштирилган. Кейинги ҳамкорлик масалалари Қатардаги турнирдан сўнг муҳокама қилинади.
Бердевнинг РФФ билан тузган шартномаси бўйича маоши Черчесовникидан анча кам бўлади. Шу билан бирга, 2022-йилги Жаҳон чемпионатига чиққан тақдирда мураббий яхши бонусга эга бўлади.
Бердиев "Рубин"ни 2019-йилнинг ёзида тарк этди. Ўшандан бери у мураббий сифатида ишламаяпти. Май ойида Бердиев "Қайрат" кузатув кенгаши раисининг маслаҳатчиси бўлди.
