Италиянинг «Наполи» клуби «Реал» ярим ҳимоячиси Иско ҳақида ёзган твитини жойлаштирди ва кейин эса ўчириб ташлади. Омадсиз мавсумдан сўнг плеймейкер «Реал»ни тарк этишга ва бошқа жамоага қўшилишга тайёр.
«Daily Mirror» нашрининг ёзишича, «Наполи» твиттердаги постни тезда ўчириб юборишидан олдин, «Isco - Google Search» деб ёзилган твитни жойлаштирган. Худди шу манбанинг таъкидлашича, «Арсенал» ҳам, «Тоттенхэм» ҳам Иско трансферини жиддий кузатмоқда. Агар, «Реал» 28 ёшли ярим ҳимоячини сотмоқчи бўлса, кўплаб жамоалар талабгор бўлиши мумкин.
