Италия миллий жамоасининг собиқ ҳужумчиси Антонио Кассано «Милан»дан «ПСЖ»га ўтган дарвозабон Жанлуижи Доннаруммани танқид қилди.

«Агар Доннарумма дунёнинг энг яхши дарвозабони бўлса, нега унга «Бавария», «Реал» ёки «Барселона» даъвогарлик қилмади? 

Нойер аллақачон 36 ёшди. Агар Доннарумма ҳақиқатан зўр бўлса, унда тер Стеген ва Куртуа билан рақобатлашадиган жамоага борсин. Бунинг ўрнига у «ПСЖ»ни танлади», — дея Кассанонинг сўзларини келтиради Marca.

22 ёшли посбон Париж клубига эркин агент сифатида ўтди. У 2015 йилдан бери «Милан»да ҳаракат қилди ва ўтган мавсумда 48та баҳс ўтказиб, уларнинг 15тасида дарвозаси дахлсизлигини сақлаб қолди. Шунингдек, Доннарумма Италия миллий жамоаси билан Евро-2020да ғолиб бўлди.