"Барселона" ҳужумчиси Антуан Гризманн тез орада Каталония клубини тарк этади. Футболчи "Атлетико"га қайтиш учун музокараларни бошлади. Бу ҳақда италиялик инсайдер Николо Скира хабар бермоқда.
"Барселона" Лео Месси билан шартнома имзолаш учун иш ҳақини қисқартириши керак. Гризманн жорий клубида катта маош олади, шунинг учун унинг номзоди биринчи бўлиб кўриб чиқилмоқда.
Олдинроқ "Барса" Гризманнни Мадрид клуби ярим ҳимоячиси Саул Ньигес билан алмаштирмоқчи эканлиги ҳақида хабар берилган эди.