“Бунёдкор” аёллар жамоаси шу йил ноябрь ойида клублар ўртасидаги Осиё чемпионатида иштирок этади.

Иордания мезбонлик қиладиган турнирда “қалдирғочлар”га Ҳиндистон, Иордания ва Эрон чемпионлари рақиб бўлади. Шарқий минтақа гуруҳида ҳам 4 та жамоа бор ва улар Вьетнамда тўқнаш келади. Гуруҳлардан 2 тадан жамоа ярим финалга йўлланма олади.

Тақвим бўйича бизда аёллар чемпионати 31 октябрь куни якунига етади. Кубок финали 6-7 ноябрь кунларидан бирида ўтиши режалаштирилган (аниқ сана 5 октябрь эълон қилинади). Халқаро мусобақа айнан 7 ноябр куни старт олишини инобатга олиб, агар “Бунёдкор-W” Ўзбекистон кубоги финалига йўл олса, финал санасига ўзгартириш киритилади.