Санкт-Петербургнинг "Зенит" жамоаси ўз бош мурабиийи Лучано Спалетти билан амалдаги шартномани яна 3.5 йилга узайтирди, дея хабар бермоқда питерликлар расмий сайти.

Янги шартномага кўра, Спалетии "Зенит" бош мураббийи сифатида 2015 йилга қадар фаолият юритади. Италиялик мураббий бундан буён клубнинг трансфер сиёсати билан ҳам шуғулланиши кўзда тутилган.

Эсингизда бўлса, Лучано Спалетти 2009 йилда "Зенит" бош мураббийлигига тайинланган эди. Унинг қўли остида питерликлар шу кунгача бир маротабадан Россия чемпионлигини, Россия кубоги ва суперкубогини қўлга киритишди. Бу йили эса жамоа ўз тарихида илк маротаба Европа чемпионлар лигаси плей-оф босқичига чиқишга муваффақ бўлишди.