«Goal The Athletic» нашрининг хабар беришича, «Манчестер Сити» Раҳим Стерлингни сотувга қўйишга қарор қилган. Айтилишича, жамоа мураббийи Хосеп Гвардиола ҳужум чизиғини янгиламоқчи, шу сабабли инглиз футболчиси катта эҳтимол билан клубни тарк этиши керак бўлади.
Стерлинг «Манчестер Сити»га 2015 йилнинг июлида «Ливерпуль»дан 63,7 миллион евро эвазига ўтган эди. «Шаҳарликлар» сафидаги 26 ёшли футболчи Англиянинг уч карра чемпионига айланди.
Ўтган мавсумда Рахим Англия чемпионатида 30та ўйин ўтказди, 10та гол урди ва 7та голли узатма муаллифига айланган.
