Швеция терма жамоасининг 36 ёшли яримҳимоячиси Себастьян Ларссон терма жамоадаги фаолиятини якунлаганини маълум қилди. Футболчи ўз қарорини Инстаграмда эълон қилган.
«Бу шубҳасиз фаолиятимдаги энг қийин қарорлардан бири, аммо вақти келди. Кичкиналигимдаги биринчи орзуим бир куни Швеция шарафини халқаро майдонда ҳимоя қилиш эди.
Терма жамоа либосини кийганимдаги ҳар сафар ҳис қилган туйғуларни сўз билан тасвирлаб беролмайман. Масъулиятни кейинги авлод зиммасига юклайдиган вақт келди ва мен швед футболининг порлоқ келажагига ишонаман", - деб ёзади футболчи.
