Shvesiya terma jamoasining 36 yoshli yarimhimoyachisi Sebastyan Larsson terma jamoadagi faoliyatini yakunlaganini ma’lum qildi. Futbolchi o‘z qarorini Instagramda e’lon qilgan.
«Bu shubhasiz faoliyatimdagi eng qiyin qarorlardan biri, ammo vaqti keldi. Kichkinaligimdagi birinchi orzuim bir kuni Shvesiya sharafini xalqaro maydonda himoya qilish edi.
Terma jamoa libosini kiyganimdagi har safar his qilgan tuyg‘ularni so‘z bilan tasvirlab berolmayman. Mas’uliyatni keyingi avlod zimmasiga yuklaydigan vaqt keldi va men shved futbolining porloq kelajagiga ishonaman", - deb yozadi futbolchi.
