«Ювентус» ва ҳужумчи Криштиану Роналду яқин ҳафталарда шартномани узайтириш масаласини муҳокама қилмоқчи.

Томонлар келишувни 2023 йилгача узайтириш бўйича музокаралар олиб боради, дея маълум қилди инсайдер Николо Скира.

Янги келишувга биноан Роналдунинг маоши ўзгариши мумкин. Амалдаги шартноманинг қолган йилида португалиялик 31 миллион евро ўрнига йилига 20 миллион евро олишни бошлаши мумкин.

Эслатиб ўтамиз, Криштиану ўтган мавсум А Серияда 29 та гол билан турнир тўпурарига айланди. Шунингдек, у 5 та гол уриб, Евро-2020нинг энг яхши голеадори ҳам бўлди.