Daily Mirror хабарига кўра, Мадриднинг «Реал» клуби яримҳимоячиси Мартин Эдегор ёзда жамоани тарк этиши мумкин.
Мадридликлар янги бош мураббийи Карло Анчелотти у жамоага керакми ёки йўқлигини ҳали ҳал қилмаган, чунки италияликнинг ўзи Мартиндан кўра Искога имкон бериш ниятида.
Хабар қилинишича, ҳозирги вазиятда Эдегорни сотиб олмоқчи бўлган «Арсенал»га жуда кўп нарса боғлиқ. «Канонирлар» футболчини сотиб олиш имконияти билан яна бир йилга ижарага олиш фикрини ўйлаб кўрмоқдалар.
Ўтган мавсумда норвегиялик футболчи АПЛнинг 14 ўйинида майдонга тушиб, 1 та гол ва 2 та голли пасни амалга оширди.
