Daily Mirror xabariga ko‘ra, Madridning «Real» klubi yarimhimoyachisi Martin Edegor yozda jamoani tark etishi mumkin.

Madridliklar yangi bosh murabbiyi Karlo Anchelotti u jamoaga kerakmi yoki yo‘qligini hali hal qilmagan, chunki italiyalikning o‘zi Martindan ko‘ra Iskoga imkon berish niyatida.

Xabar qilinishicha, hozirgi vaziyatda Edegorni sotib olmoqchi bo‘lgan «Arsenal»ga juda ko‘p narsa bog‘liq. «Kanonirlar» futbolchini sotib olish imkoniyati bilan yana bir yilga ijaraga olish fikrini o‘ylab ko‘rmoqdalar.

O‘tgan mavsumda norvegiyalik futbolchi APLning 14 o‘yinida maydonga tushib, 1 ta gol va 2 ta golli pasni amalga oshirdi.