La Repubblica хабарига кўра, Туриннинг «Ювентус» клуби Аргентина ва «ПСЖ» яримҳимоячиси Леандро Паредес харидига қизиқмоқда.
Манбанинг хабарига кўра, Турин клуби яримҳимоячини Артур учун потенциал ўринбосар сифатида кўрмоқда, у ўнг оёғидаги кичик тўқималар жароҳати туфайли жарроҳлик амалиётини ўташи керак.
Шифокорларнинг тахминларига кўра, бразилиялик А Серия янги мавсумининг дастлабки икки ойини ўтказиб юбориши мумкин.
«Юве» «ПСЖ»га Паредесни кейинчалик сотиб олиш шарти билан ижарага олиш таклифини юборган.
Маълумот учун, Лига 1нинг сўнгги мавсумида Паредес «ПСЖ» таркибида 21 та ўйин ўтказиб, 1 та гол урди ва 2 та голли пасни амалга оширди.
