«МЮ» бош мураббийи Оле-Гуннар Сульшер «Дерби Каунти»га қарши ўртоқлик ўйинидан сўнг ўз фикрлари билан ўртоқлашди.

«Очиғи, рақибдан бундайин ўйин кутмагандим. «Дерби» тайёргарлик борасида бизни бир неча ҳафтага ортда қолдираётгани ўйин давомида сезилди. Бу баҳс дастлабки норасмий ўйинимиз эди ва ўйинчиларнинг маълум бир даражага етишлари учун ҳали вақт керак.

Мавсум олди ўйинларда ёш футболчиларни синовдан ўтказишда ажратиладиган вақт камайиб боради. Йиғинлар ва тайёргарлик учун шунга мажбурсиз. Биз ҳар қандай ҳолатда ҳам мавсумни яхши бошлашимиз керак. Ўтган мавсумда дастлабки турларда кўп очко йўқотгандик.

АПЛдаги чемпионлик кураши йилдан-йилга ошиб бормоқда. Айни пайтда мавсум бошидаги дастлабки ўйинларда етакчи жамоани турнир жадвалида ўзиб кетишга йўл қўймаслик муҳим. Акс ҳолда соврин учун имкониятни йўқотишимиз мумкин», - дейди Сульшер.