Мадриднинг «Реал» клуби ҳимоячиси Рафаэль Варан тез орада клубини ўзгартиради. Эслатиб ўтамиз, футболчи «МЮ» билан шахсий шартнома шартларини олдиндан келишиб олган.

Испаниялик журналистларнинг хабар беришича, Мадридликлар Варан ўрнига янги футболчи сотиб олмоқчи эмас. Таркибда аллақачон Начо, Хесус Вальехо, Девид Алаба ва Эдер Милитао каби тажрибали футболчилар бор ва улар кейинги мавсумдан Карло Анчелотти учун етарлича вариант бўлиб хизмат қилади.

Эслатиб ўтамиз, «Манчестер Юнайтед»да Варан бир мавсум учун 12 миллион евро ишлаб топиши кутилмоқда. «Реал» француз учун 50 миллион ишлаб олади.