Madridning «Real» klubi himoyachisi Rafael Varan tez orada klubini o‘zgartiradi. Eslatib o‘tamiz, futbolchi «MYU» bilan shaxsiy shartnoma shartlarini oldindan kelishib olgan.
Ispaniyalik jurnalistlarning xabar berishicha, Madridliklar Varan o‘rniga yangi futbolchi sotib olmoqchi emas. Tarkibda allaqachon Nacho, Xesus Valyexo, Devid Alaba va Eder Militao kabi tajribali futbolchilar bor va ular keyingi mavsumdan Karlo Anchelotti uchun yetarlicha variant bo‘lib xizmat qiladi.
Eslatib o‘tamiz, «Manchester Yunayted»da Varan bir mavsum uchun 12 million yevro ishlab topishi kutilmoqda. «Real» fransuz uchun 50 million ishlab oladi.
