"Коппа Карневале" турнирида иштирок этаётган Тошкентнинг "Пахтакор" ёшлар жамоаси иккинчи баҳсда ҳам дурангга имзо чекди. Бу ҳақда клуб расмий сайти хабар тарқатмоқда.

Италия "В" серия иштирокчиси "Эмполи"нинг ёшларига қарши ўйин тенг курашлар остида кечди. Учрашув мобайнида жамоалар анча эҳтиёткорлик билан ҳаракат қилишди. Натижада хавфли вазиятлар унчалик кўп юзага келгани йўқ, деб ёзилади расмий сайтда.

Ёш "пахтакорчилар" рақиб дарвозасига гол уриш учун 3-4 бор яхши имкониятлар юзага келди, бироқ улардан футболчиларимиз фойдалана олишмади. Ўз навбатида рақибнинг охирги дақиқалардаги уринишларини дарвозабон Омонов бартараф қилди. Ўйинда 0:0 ҳисоби қайд этилди.

Гуруҳдаги иккинчи беллашувда ҳам "Хонвед" ва "Арзанесе" 2:2 ҳисобида дуранг ўйнашди. Иккинчи тур учрашувлари якунлангач, кейинги босқичга чиқиш имконияти ҳақида хулоса чиқаришимиз мумкин. Гуруҳдаги учинчи ўйинни Агамуродов шогирдлари эртага Тошкент вақти билан соат 19:00да Венгриянинг "Хонвед" жамоасига қарши бошлашади.
 
ЭМПОЛИ - ПАХТАКОР 0:0
Эмполи: Фурлан, Хисаж, Маццанти, Камано, Менегаз, Ругани, Дулла Латта (Гелардони, 72), Темпести (Кастеллани, 46), Кабаши (Пачокко, 61), Сакка, Бьянки.

Пахтакор: Омонов, Шамсиддинов, Абдуллаев, Бабаян, Махсталиев, Саидов, Баҳриддинов, Ҳошимов, Сергеев, Т. Ҳакимов (Ёрбеков, 66), Олимов (Искандеров, 25).