Ўзбекистон Профессионал футбол лигаси Ижроия қўмитаси 2021 йил 6 июль куни Ўзбекистон футбол ассоциациясига молиявий қийинчиликлар туфайли Про лига ва U-18 чемпионатидаги иштирокини тўхтатганини маълум қилган «Оқ-тепа» футбол клубини ЎзПФЛ қатнашчилари сафидан чиқарди.
«Оқ-тепа» футбол клуби қатнашчилар сафидан чиқарилгани муносабати билан мазкур футбол клуби ва футболчилар ўртасида тузилган меҳнат шартномалари муддатидан олдин бекор қилинганида, футболчиларнинг бошқа футбол клублари билан имзолаган меҳнат шартномалари Ўзбекистон Профессионал футбол лигасидан шу йилнинг 31 июлига қадар рўйхатдан ўтказилишига рухсат берилади.
Маълум регламент бўйича Про лиганинг бу йилги мавсуми 28 турдан иборат бўлиши ва бунда ҳар бир клуб 26 тадан учрашувда иштирок этиши керак эди.
Қўшма йиғилиш «Оқ-тепа» футбол клуби Регламентда акс этган ўйинлар сонининг тенг ярмида иштирок этмагани учун «Оқ-тепа» иштирокидаги ўйинлар натижасини 0 га тенглаштиришга қарор қилди.
