Кириш Регистрация
27/09 00:00 Бетис 2-0 Хетафе
27/09 19:00 Локомотив 2-1 Машъал
27/09 19:30 Испания 2-4 Португалия
27/09 22:00 Эрон 2-3 Қозоғистон
27/09 23:45 Венеция 1-1 Торино
28/09 00:00 Кристал Пэлас 1-1 Брайтон
28/09 00:00 Сельта 1-0 Гранада
28/09 21:45 Аякс - Бешиктош
28/09 21:45 Шахтёр - Интер
28/09 23:59 ПСЖ - Манчестер Сити
28/09 23:59 РБ Лейпциг - Брюгге
28/09 23:59 Порту - Ливерпуль
28/09 23:59 Милан - Атлетико
28/09 23:59 Боруссия Д - Спортинг
28/09 23:59 Реал Мадрид - Шериф

«Челси» учун энг муносиб ҳужумчи ким?

Баҳо:
+ | -

Барчага маълумки, «Челси» ушбу ёзда кучли ҳужумчи сотиб олишга аҳд қилган. «Аристократлар» шортлистидан бир нечта ҳужум вакиллари жой олган. Аммо уларни «Стемфорд Бриж»га олиб келиш осон бўлмайди. Бунинг учун яхшигина маблағ ва ҳаракат талаб этилади. Пастда Лондон клубига мос бўлган вариантлар ҳақида билиб оласиз.

Аввало бу борада клуб ҳамшаҳари «Тоттенҳем»нинг маҳсулдор, аммо омадсиз бўлган ҳужумчиси Ҳарри Кейнни айтиш ўринли бўлган бўларди. Премиер Лиганинг энг кўп гол урган 29 ёшли футболчисига ҳаридорлар жудаям кўплиги сабабли уни трансфер қилиш энди деярли имконсиз ишга айланган. «Тоттенҳем» директори Даниел Леви у учун камида 100 миллион фунт сўрайди. Бу эса ўттизга яқинлашиб қолган ҳужумчи учун қимматроқ нархдир.

Агар «Челси» муттасадилари катта маблағ эвазига ҳужумчи сотиб олиши керак бўлса яна бир вариантни тақдим этиш мумкин. Бу клубнинг собиқ бельгиялик футболчиси Ромелу Лукакудир. Барчамиз ўтган мавсумда унинг «Интер» сафида юқори даражада ўйин кўрсатганига гувоҳи бўлдик. «Манчестер Юнайтед»да эриша олмаган орзусини у А церийада амалга оширди. Албатта, Лукаку Кейнга қараганда пастроқ нархда баҳоланиши эҳтимол. Аммо уни клуби қўйиб юборармикин? Мана бу жиддий савол...

Охирига пайтларда «Челси» раҳбарияти Левандовски трансфери ҳақида ўйлаётгани гапирилмоқда. Сайёрамиздаги энг яхши ҳужумчи саналган полшалик бутун Германияни ларзага солди. Икки мавсум давомида у ҳақиқатдан ҳам ўз ёшлигини қайтадан бошдан кечирди дейишимиз мумкин. Левандовски унча қиммат бўлмаган 50 миллион еврога баҳоланаётгани маълум қилинган. Бироқ 33 ёшли ҳужумчи учун ушбу маблағ сарфланиши қанчалик мантиққа тўғри келади? Ҳархолда, унинг майдонда ҳаракат қилиш имкониятлари тез орада пасайиб кетади.

Нима бўлган тақдирда ҳам Эрлинг Холанд бу ёзда клубнинг топ приоритети бўлиб қолаверади. Бу харид амалга ошиши қийин, қиммат, аммо клуб учун оптимал ечим бўлган бўларди. 21 ёшли норвегиялик учун харидорлар бисёр бўлиб турган бир пайтда 150 миллионлик таклиф ҳам немис клубини қаноатлантирмаслиги табиий, албатта. Бундеслигада Холанд кўрсатган ўйин ақл бовар қилмас даражада ажойиб. Бир ярим мавсум давомида яхши ўсиш кўрсаткичлари намойиш эта олган ўспиринга янги лигага кўчиш зарар қилмас эди. Шундай ҳам бўлади. Лекин бу ёз эмас. Абрамович эса футболчи учун максимал ҳаракат қилишини билдириб ўтган. Боз устига ўтган мавсумдаги «Челси»нинг харидлари ҳазилакам маблағ амалга ошмаган. Шунга яраша клуб бир йил давомида «Европа чемпионлари» деган шарафли номни ўзлари билан олиб юришади. Янги мавсумда улар буни сақлаб қолиш учун курашга киришади.

Жалолиддин ИСМАТОВ

Манба: stadion.uz
Киритилди: 22:08, 24.07.2021.
Ўқилди: 6625 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.